Ein blaenoriaethau
Fel corff hyd braich i Lywodraeth Cymru, mae gennym un ddyletswydd strategol ar ddeg sydd wedi’u nodi yn Neddf Addysg Drydyddol ac Ymchwil (Cymru), 2022.
Yn ychwanegol at y rhain, bydd Llywodraeth Cymru yn cyhoeddi Datganiad o Flaenoriaethau Strategol rheolaidd ar gyfer Addysg Drydyddol, Ymchwil ac Arloesi.
Mae’r rhain yn llywio ein cynllun strategol ar gyfer y sector trydyddol yng Nghymru.
Datganiad Llywodraeth Cymru o flaenoriaethau strategol ar
gyfer addysg drydyddol, ymchwil ac arloesi
Ar 28 Chwefror 2024, cyhoeddodd Gweinidog y Gymraeg ac Addysg flaenoriaethau Llywodraeth Cymru ar gyfer Medr. Mae’r rhain wedi’u rhannu i bum maes:
- Datblygu system drydyddol sy’n paratoi dysgwyr am economi ddynamig a newidiol, lle gall pawb ennill y sgiliau a’r wybodaeth sydd eu hangen arnynt i lwyddo mewn bywyd ac mewn gwaith.
- Cynnal a gwella ansawdd y system drydyddol; gan barhau â’r gwaith i ehangu cyfranogiad, a’i ddwysáu; a chymryd camau i sicrhau system decach ac ardderchog i bawb.
- Rhoi’r dysgwr wrth galon y system drwy ganolbwyntio ar brofiad dysgwyr yn y system drydyddol a’u llesiant.
- Sicrhau bod y system addysg drydyddol yn cyfrannu at yr economi a chymdeithas.
- Sefydlu’r Comisiwn Addysg Drydyddol ac Ymchwil (Medr bellach) fel sefydliad hynod effeithiol gan roi sefydlogrwydd ac arweinyddiaeth yn ystod y cyfnod pontio.
Ein strategaeth –
troi’r blaenoriaethau’n gamau gweithredu
Rydym wedi datblygu Cynllun Strategol drafft cyntaf Medr.
Mae’r Cynllun Strategol yn nodi ein hymateb i’r dyletswyddau deddfwriaethol a’r datganiad o flaenoriaethau strategol.
Bydd y Cynllun hefyd yn cael ei lywio drwy ein hymgysylltiad â dysgwyr, rhanddeiliaid a darparwyr. Cyflwynir y Cynllun Strategol i’w gymeradwyo gan Weinidogion Cymru ym mis Rhagfyr 2024.
Ein hymgynghoriad
Mae’r ymgynghoriad ar ein cynllun strategol drafft ar agor tan ddydd Gwener, 25 Hydref.
Datganiad llawn o flaenoriaethau strategol ar gyfer addysg drydyddol ac ymchwil ac arloesi Addysg a hyfforddiant ôl-orfodol: gweledigaeth strategolRhagor o wybodaeth am waith Medr
Gallwch danysgrifio i ddiweddariadau i fod y cyntaf i wybod am ein cyhoeddiadau, ein newyddion a’n cyfleoedd swydd.
Tanysgrifio