This website will offer limited functionality in this browser. We only support the recent versions of major browsers like Chrome, Firefox, Safari, and Edge.
Ein nod yw hyrwyddo sylfaen ymchwil ddeinamig a chynaliadwy o fewn sefydliadau addysg uwch, sy’n cymharu’n dda â gweddill y DU o ran safon, ac sy’n gallu cyfrannu at lesiant economaidd a chymdeithasol yng Nghymru a thu hwnt.
Cyllid i ddarparwyrRydym yn gweithio i hyrwyddo a datblygu sylfaen ymchwil ragorol, ffyniannus ledled Cymru drwy gefnogi a hyrwyddo diwylliannau ymchwil ac arloesi lle mae parch, uniondeb a chynhwysiant yn ffynnu.
Rydym yn parhau i ddatblygu ein dealltwriaeth o’r modd y gallwn weithio gyda darparwyr i sicrhau diwylliannau ymchwil a all ddarparu amgylchedd anogol ac arloesol ar gyfer pobl ac ymchwil o safon fyd-eang.
Er mwyn cefnogi ymdrech y DU gyfan i hyrwyddo arfer ymchwil da, rydym wedi llofnodi nifer o gytundebau – a elwir yn Goncordatau – ac rydym yn aelod o grwpiau’r DU sy’n gweithio gyda chyrff eraill i sicrhau bod y nodau hyn yn cael eu cyflawni.
Y Fframwaith Rhagoriaeth Ymchwil (REF) yw’r offeryn a ddefnyddir i asesu ymchwil mewn sefydliadau addysg uwch ledled y DU.
Fe’i cynhelir ar y cyd gan bob un o’r pedwar corff cyllido addysg uwch yn y DU – Medr, Ymchwil Lloegr, Cyngor Cyllido’r Alban, ac Adran yr Economi, Gogledd Iwerddon – ac fe’i rheolir ar ein rhan gan Dîm y Fframwaith, sydd wedi’i leoli yn Ymchwil Lloegr.
Mae’r pedwar corff cyllido yn ffurfio grŵp llywio’r REF, sy’n goruchwylio’r broses o ddatblygu’r ymarfer asesu nesaf ar gyfer y DU gyfan.
Mae’r REF yn broses lle cynhelir adolygiad gan arbenigwyr. Bydd paneli o arbenigwyr mewn meysydd pwnc academaidd unigol yn asesu cyflwyniadau ymchwil sefydliadau o dan dri phrif bennawd:
Ceir adroddiad nesaf yr REF yn 2029.
Mae 83% o ymchwil mewn prifysgolion yng Nghymru o safon sydd yn arwain y byd neu’n rhagorol yn rhyngwladol, yn ôl asesiad 2021 o safon ymchwil.
Casglodd REF 2021 hefyd fod effaith 89% o ymchwil yng Nghymru y tu hwnt i’r byd academaidd yn arwain y byd neu’n rhagorol yn rhyngwladol.
Asesiad 2021 o Safon YmchwilCytundeb rhwng sefydliadau yw’r Concordat i Hybu Datblygiad Gyrfa Ymchwilwyr sy’n amlinellu cyfrifoldebau a disgwyliadau gan ymchwilwyr, eu rheolwyr, eu cyflogwyr a’u noddwyr.
Concordat i Hybu Datblygiad Gyrfa YmchwilwyrMae’r Concordat i Gefnogi Uniondeb Ymchwil yn fframwaith ar gyfer cynnal ymchwil a threfniadau llywodraethu ymchwil da. Fe’i lluniwyd yn seiliedig ar bedwar ymrwymiad clir i ymchwilwyr, cyflogwyr ymchwilwyr a noddwyr gwaith ymchwil gytuno arnynt.
Concordat i Gefnogi Uniondeb YmchwilMae’r Concordat ar Ddata Ymchwil Agored yn gyfres o ddisgwyliadau ynghylch arfer gorau er mwyn helpu i sicrhau y darperir data ymchwil yn agored i’w defnyddio gan eraill lle bynnag y bo modd.
Concordat ar Ddata Ymchwil AgoredGrŵp Rhyngwladol yw’r Fforwm ar gyfer Mynd i’r Afael â Bwlio ac Aflonyddu mewn Ymchwil ac Arloesi lle mae cyllidwyr ymchwil, cyrff cyllido addysg uwch, llunwyr polisi, sefydliadau rheoleiddio a chymdeithasau dysgedig yn dod ynghyd i weithio tuag at fynd i’r afael â bwlio ac aflonyddu ar draws y sector ymchwil ac arloesi, a’i atal.
Fforwm ar gyfer Mynd i'r Afael â Bwlio ac Aflonyddu mewn Ymchwil ac ArloesiCyfres o egwyddorion yw’r Concordat ar Ennyn Diddordeb y Cyhoedd mewn Ymchwil wedi’u llunio gan sefydliadau sy’n cyllido ymchwil yn y DU i annog ymgysylltu â’r cyhoedd i roi hwb i effaith gymdeithasol ac economaidd ymchwil.
Concordat ar Ennyn Diddordeb y Cyhoedd mewn YmchwilCyfres o egwyddorion yw’r Concordat Cyfnewid Gwybodaeth i annog arfer gorau wrth arloesi a chynorthwyo sefydliadau i ddatblygu ymagweddau newydd a chymeradwy.
Concordat Cyfnewid GwybodaethGallwch danysgrifio i ddiweddariadau i fod y cyntaf i wybod am ein cyhoeddiadau, ein newyddion a’n cyfleoedd swydd.
Tanysgrifio