Sta/Medr/08/2025: Y Gymraeg mewn Addysg Uwch 2022/23

Prif bwyntiau

• Fe astudiodd 4% o fyfyrwyr o leiaf un credyd yn Gymraeg yn 2022/23.
• Gostyngodd nifer y myfyrwyr a astudiodd o leiaf un credyd yn Gymraeg 3% o’i gymharu â 2021/22 a 5% o’i gymharu â 2020/21. Fodd bynnag, roedd yn dal i fod yn nifer uwch nag yn y tair blynedd cyn 2020/21.
• Gostyngodd cyfran y myfyrwyr a astudiodd o leiaf 5 credyd yn Gymraeg i 3% yn 2022/23, a oedd yn is nag yn unrhyw un o’r pum mlynedd flaenorol. Gostyngodd cyfran y myfyrwyr a astudiodd o leiaf 120 o gredydau yn Gymraeg islaw 1% yn 2022/23, a oedd yn is nag unrhyw un o’r pum mlynedd flaenorol.
• Fe astudiodd mwy na dwywaith cymaint o fyfyrwyr benywaidd o leiaf 1 credyd yn Gymraeg o’u cymharu â myfyrwyr gwrywaidd.
• Addysg a hyfforddiant oedd y pwnc modiwl â’r nifer uchaf a’r gyfran fwyaf o fyfyrwyr yn astudio o leiaf un credyd yn Gymraeg.
• Roedd yn hysbys bod 13% o’r myfyrwyr a oedd yn hanu o Gymru’n siaradwyr Cymraeg rhugl yn 2022/23.
• Fe gynyddodd nifer y staff addysgu a oedd wedi eu contractio i addysgu yn Gymraeg 1% i 565 yn 2022/23 ar ôl gostwng o un flwyddyn i’r llall ers 2018/19.