Hafan | Gweithio gyda ni

Gweithio gyda ni

Rydym yn corff hyd braich newydd Llywodraeth Cymru, yn cyllido, rheoleiddio a goruchwylio: addysg bellach, gan gynnwys colegau a’r chweched dosbarth mewn ysgolion, addysg uwch gan gynnwys ymchwil ac arloesi, addysg oedolion a dysgu oedolion yn y gymuned, a phrentisiaethau a hyfforddiant.

Byddwn yn gweithio gyda phartneriaid i alluogi system addysg ac ymchwil drydyddol sy’n canolbwyntio ar anghenion dysgwyr, cymdeithas, a’r economi; gyda rhagoriaeth, cydraddoldeb ac ymgysylltu’n greiddiol iddi.

Ein gwerthoedd

Mae ein gwerthoedd o bwys gwirioneddol i ni, ac yn helpu i siapio diwylliant ein sefydliad.

Dysgu – mae dysgu’n greiddiol i bopeth a wnawn. Rydym yn credu bod chwilfrydedd yn hybu arloesi ac yn helpu i ehangu ein gorwelion.

Cydweithio – gallwn gyflawni llawer mwy gyda’n gilydd nag y gallem fyth ei wneud ar ein pen ein hunain.

Cynnwys pawb – rydym yn frwd dros gynhwysiant, gan geisio creu’r amodau cywir i bawb gyflawni eu llawn botensial.

Rhagori – mae gennym ddyheadau uchel ar gyfer addysg drydyddol ac ymchwil yng Nghymru ac rydym felly’n gosod safonau uchel i ni ein hunain er mwyn bod ar ein gorau.

Beth gewch chi

Ochr yn ochr â’ch cyflog, mae Medr yn cyfrannu’n hael at eich pensiwn gwasanaeth sifil.

Rydym hefyd yn darparu:

33 diwrnod o wyliau y flwyddyn (pro rata).
Amgylchedd sy’n hyrwyddo cydbwysedd rhwng bywyd a gwaith, gan gynnwys amser llesiant bob wythnos.
Cynllun Beicio i’r Gwaith i wneud perchnogaeth ar feic yn fwy fforddiadwy.

Cymorth ychwanegol pan fo’i angen arnoch

Gwyddom y gallwch weithiau wynebu heriau neu ddigwyddiadau mewn bywyd sy’n golygu bod angen cymorth ychwanegol arnoch.

Rydym yn darparu rhaglen cymorth-i-gyflogeion gynhwysfawr gyda mynediad o bell at adnoddau a chymorth yn y cnawd pryd bynnag y bo angen hynny.
Mae gennym bolisi absenoldeb arbennig sy’n sicrhau bod pawb yn y sefydliad yn cael y cymorth y mae ei angen arnynt yn ystod cyfnodau anodd.

Mwy na dim ond gweithle

Mae ein pwyllgor chwaraeon, cymdeithasol a llesiant gweithgar yn cynnig ystod o weithgareddau i ddod ynghyd y tu allan i’r lleoliad gwaith.
Bydd gennych hawl i gymryd 5 diwrnod o wyliau â thâl y flwyddyn i wneud gwaith gwirfoddol i gefnogi ein cymunedau.

Datblygiad personol a phroffesiynol

Unwaith y cynigir swydd i chi, byddwn yn dod i’ch adnabod ac yn gweithio gyda chi i ddatblygu cynllun cynefino wedi’i bersonoli sy’n ystyried eich profiad, eich sgiliau, eich arddull dysgu a’ch gwybodaeth.
Byddwn yn eich helpu i lunio eich cynlluniau datblygu â sgyrsiau ac amcanion gyrfaol wedi’u personoli, gan ystyried nodau cyflawni ochr yn ochr â’ch dyheadau gyrfaol.
Rydym yn cynorthwyo ein holl staff i ddysgu neu wella eu sgiliau Cymraeg.

Gweithle i bawb

Mae gennym ddiddordeb go iawn ynoch chi fel unigolyn a’r hyn y byddwch chi’n ei gynnig i’n sefydliad. Mae ein proses asesu gyfunol wedi’i bwriadu i’n helpu ni i ddod i’ch adnabod chi’n well gan ein galluogi i benodi rhywun a fydd yn ffynnu yn y rôl ac sy’n rhannu ein gwerthoedd ni fel sefydliad.

Rydym yn ymdrechu i greu gweithle amrywiol a chynhwysol ac rydym eisiau eich helpu i ddangos eich potensial llawn beth bynnag fo’r dull asesu a ddefnyddir. Byddwn yn hapus i drafod unrhyw addasiadau i’r broses recriwtio sy’n canolbwyntio ar yr unigolyn. Cysylltwch â [email protected].

Swyddi gwag

Mae amryw o gyfleoedd swydd ar gael wrth inni barhau i adeiladu ein tîm.

Pennaeth Caffael

Fel Pennaeth Caffael byddwch yn y gweithiwr caffael cymwys uwch yn Medr. Byddwch yn dylunio, datblygu a darparu dull strategol o gaffael sy’n manteisio ar gyfleoedd Deddf Llesiant Cenedlaethau’r Dyfodol, a’r bil Partneriaeth Gymdeithasol; ac sy’n adlewyrchu Datganiad Polisi Caffael Cymru.

Bydd eich sgiliau a’ch profiad yn sicrhau bod Medr yn ymdrin yn llwyddiannus â gofynion polisi a deddfwriaeth caffael diwygiedig llywodraethau Cymru a’r DU, tra’n cael gyfrifoldeb cyffredinol am £2.2 miliwn o wariant caffael blynyddol, gan sicrhau gwerth am arian.

Cyflog: £58,918 – £70,450 y flwyddyn

Sesiwn wybodaeth: 2 o’r gloch, Dydd Iau 3 Ebrill (ar-lein)

Dyddiad cau: Dydd Llun 14 Ebrill 2025

Mwy

Uwch Reolwr Prosiectau

Rydym yn edrych am Uwch Reolwr Prosiectaua fydd yn arwain ac yn rheoli gwaith cyflawni prosiectau. I ddechrau byddwch yn gweithio yn y Gangen Brentisiaethau a byddwch yn gyfrifol am lywio a goruchwylio’r broses o gyflawni’r Rhaglen Brentisiaethau newydd, gan sicrhau bod amcanion a chanlyniadau’r prosiect yn cael eu diffinio’n glir a’u cyflawni o fewn yr amser, y gost a’r gofynion o ran ansawdd y cytunwyd arnynt.

Bydd gennych rôl allweddol o ran llywodraethu, sicrwydd a chyfathrebu ar gyfer y prosiect, gyda ffocws eglur ar gyflawni’r prosiect a gwireddu manteision.

Cyflog: £47,519 – £55,019 y flwyddyn

Sesiwn wybodaeth: 12 o’r gloch, Dydd Llun 31 Mawrth (ar-lein)

Dyddiad cau: Dydd Iau, 10 Ebrill 2025

Mwy

Prif Weithredwr

Rydym yn chwilio am ein Prif Weithredwr parhaol cyntaf.

Cenhadaeth y rôl hon yw sicrhau system ymatebol a chydlynol o addysg drydyddol, sgiliau, ymchwil ac arloesi.

Bydd y Prif Weithredwr yn gyfrifol am oruchwylio buddsoddiad gwerth £1 biliwn ac arwain tîm o 120 o arbenigwyr.

Cyflog: £140k

Dyddiad cau: Hanner dydd, dydd Llun, 14 Ebrill 2025
Asesiadau ymgeiswyr: o 5 Mai 2025 ymlaen
Cyfweliadau panel: 27 – 30 Mai 2025

Mwy

Rheolwr Prentisiaethau
x 3

Rydym yn chwilio am dri Rheolwr Prentisiaethau i ymuno â’n tîm.

Mae prentisiaethau’n elfen hanfodol o lwyddiant economaidd ac yn offeryn hollbwysig i greu Cymru gryfach, decach a mwy cyfartal. Fel Rheolwr Prentisiaethau, byddwch yn gyfrifol am gynorthwyo’r Uwch Reolwr Prentisiaethau i fynd ati’n rhagweithiol i ddatblygu a chyflawni fframweithiau a llwybrau prentisiaethau sy’n diwallu anghenion yr economi a dysgwyr.

Cyflog: £38,030 – £44,571 y flwyddyn

Sesiwn wybodaeth: 2 o’r gloch, Dydd Mercher 26 Mawrth (ar-lein)

Dyddiad cau: Dydd Iau, 3 Ebrill 2025

Mwy

Aelodau Pwyllgor – Pwyllgor Ymchwil ac Arloesi

Mae ein Pwyllgor Ymchwil ac Arloesi yn cynghori ein Bwrdd ar faterion sy’n ymwneud ag ymchwil ac arloesi, gan gynnwys goruchwylio datblygiad polisi, a chyllid i gefnogi’r gweithgareddau hyn

Rydym yn chwilio am dri aelod annibynnol sydd â phrofiad o ymchwil ac arloesi:

● Aelod sydd yn Brif Ymchwilydd gweithredol o sefydliad addysg uwch yng Nghymru.

● Aelod sydd â phrofiad o ymchwil ac arloesi mewn cyd-destun diwydiant ac/neu fusnes.

● Aelod sy’n gweithio fel aelod staff sy’n galluogi ymchwil mewn darparydd addysg drydyddol yng Nghymru

Dyddiad cau: Dydd Gwener, 4 Ebrill 2025

Mwy

Rhagor o wybodaeth am waith Medr

Gallwch danysgrifio i ddiweddariadau i fod y cyntaf i wybod am ein cyhoeddiadau, ein newyddion a’n cyfleoedd swydd.

Tanysgrifio