Rheolau Sefydlog ar gyfer Cynnal Busnes y Bwrdd
Bydd y ddogfen hon yn darparu fframwaith ar gyfer aelodaeth y Bwrdd, presenoldeb, mynychder cyfarfodydd a datgelu gwybodaeth.
Y Bwrdd a llywodraethu
Cafodd Medr ei sefydlu o dan Ddeddf Addysg Drydyddol ac Ymchwil (Cymru) 2022.
Corff a noddir gan Lywodraeth Cymru yw Medr, ac mae’n atebol i Weinidogion Cymru. Mae’n gweithredu ar hyd braich i’r Llywodraeth, ond o fewn fframwaith cynllunio a chyllido strategol wedi’i sefydlu gan Weinidogion Cymru.
Bwrdd Medr
Mae’r Bwrdd yn rhoi arweinyddiaeth strategol; yn hyrwyddo safonau uchel ar gyfer arian cyhoeddus; yn monitro perfformiad; ac yn sicrhau bod gweithgareddau Medr yn cael eu cyflawni’n effeithlon ac effeithiol mewn modd sy’n gyson â’r dulliau o weithio a sefydlwyd yn Neddf Llesiant Cenedlaethau’r Dyfodol (Cymru) 2015.
Mae’r Bwrdd yn cynnwys hyd at 17 o aelodau, wedi’u penodi gan Lywodraeth Cymru, gan gynnwys y Cadeirydd, y Dirprwy Gadeirydd (sydd hefyd yn Gadeirydd y Pwyllgor Ymchwil ac Arloesi), a Phrif Weithredwr Medr.
Bydd y Bwrdd hefyd yn cynnwys hyd at bedwar aelod cysylltiol heb hawliau pleidleisio, yn cynrychioli dysgwyr a’r gweithlu addysg.
Aelodau’r Bwrdd
Caiff Aelodau’r Bwrdd eu penodi gan Weinidogion Cymru. Mae’r rhain yn benodiadau a reoleiddir a wneir yn unol â Chod Ymarfer y Comisiynydd Penodiadau Cyhoeddus.
Mae Aelodau’r Bwrdd yn cadw at God Ymddygiad, sy’n cynnwys cytundeb i gadw at egwyddorion Nolan ar gyfer bywyd cyhoeddus: anhunanoldeb, uniondeb, gwrthrychedd, atebolrwydd, didwylledd, gonestrwydd ac arweinyddiaeth.
Mae’n rhaid i Aelodau’r Bwrdd a Phwyllgorau lenwi ffurflen datgan buddiannau ar gyfer y gofrestr gyhoeddus.
Aelodau Bwrdd MedrPwyllgorau
Mae’r Pwyllgorau’n cynghori ein Bwrdd am agweddau neilltuol ar ein gwaith, gan gynnwys ymchwil ac arloesi; profiad myfyrwyr; archwilio a risg; ac asesu ansawdd. Mae gan bob pwyllgor ei gylch gorchwyl ei hun ac mae’n cadw at reolau sefydlog y Pwyllgor.
Byddwn yn darparu rhagor o wybodaeth am gylchoedd gwaith ac aelodaeth y pwyllgorau dros y misoedd nesaf.
Dogfennau llywodraethu
Rheolau Sefydlog y Pwyllgorau
Bydd y rhain yn amlinellu strwythur, cylch gorchwyl, trefniadau aelodaeth a gofynion adrodd y pwyllgorau.
Cynllun Dirprwyo
Bydd y Cynllun Dirprwyo yn nodi materion a gadwir yn ôl ar gyfer y Bwrdd yn unig, yn ogystal â materion y gellir bwrw ymlaen â nhw ar ran y Bwrdd o dan awdurdod wedi’i ddirprwyo i’r Cadeirydd ac i’r Prif Weithredwr.
Dogfen Fframwaith Llywodraeth Cymru ar gyfer Medr
Mae Dogfen Fframwaith Llywodraeth Cymru yn sefydlu’r fframwaith bras y bydd Medr yn gweithredu oddi mewn iddo, ac yn diffinio rolau a chyfrifoldebau Gweinidogion Cymru a Medr.
Dogfen ffamwaithAelodau'r Bwrdd
Agendâu a chrynodebau o gyfarfodydd
Ar ôl pob cyfarfod o’r Bwrdd byddwn yn cyhoeddi crynodeb o’r cyfarfod hwnnw, gan amlinellu’r hyn a drafodwyd, a rhannu unrhyw ganlyniadau y gellir eu datgelu.
Rhagor o wybodaeth am waith Medr
Gallwch danysgrifio i ddiweddariadau i fod y cyntaf i wybod am ein cyhoeddiadau, ein newyddion a’n cyfleoedd swydd.
Tanysgrifio